Пільнуйцеся ад ашуканцаў

Радаслаў МАЦІЕВІЧ

СМС-паведамленні пра электрычнасць ці пасылку — знаёмыя ўсім. Нягледзячы на тое, што ашуканцы, якія выкарыстоўваюць гэты від фішынгу, доўгі час застаюцца няўлоўнымі, у рэшце рэшт трапляюць у рукі паліцыі. Цэнтральнае бюро па барацьбе з кіберзлачыннасцю паведаміла аб затрыманні 21 злачынца, якія такім чынам падманулі 800 чалавек. Як было ўстаноўлена, такім чынам злачынцы ашукалі больш за 800 чалавек на агульную суму больш за 2,5 мільёна злотых. Усім ім прад’яўлена 161 абвінавачванне. У арышце ўдзельнічала 90 афіцэраў, а мерапрыемствы вяліся адначасова ў 10 ваяводствах.

Фальшывыя СМС-паведамленні, якія рассылалі затрыманыя, ішлі па вядомай схеме: ашуканцы паведамлялі аб неабходнасці аплаты нібыта электраэнергіі або даплаты за пасылку. Фальшывыя спасылкі, якія змяшчаюцца ў СМС-паведамленнях, накіраваныя на падрыхтаваныя банкаўскія сэрвісы ўваходу, праз якія атрымліваліся логіны, паролі і даныя ахвяр. Такім чынам затрыманыя заключалі дагаворы пазыкі і здымалі грашовыя сродкі з рахункаў пацярпелых.

ЦБПБзК нагадвае ўсім быць уважлівымі да тэкставых паведамленняў, якія атрымліваем. Усе паведамленні, адпраўленыя такім чынам, могуць быць ілжывымі, а механічны пераход па спасылках можа прывесці да значных страт. Калі ахвяра апынецца такім чынам на створанай банкаўскай старонцы ўваходу, яе даныя, хутчэй за ўсё, будуць непасрэдна прачытаныя ашуканцамі. Гэта адкрывае магчымасць крадзяжу грошай з вашага (...)