Ніва № 08 (3537), 25 лютага 2024 г.
Новыя вершы Юрыя БаеныЮры БАЕНАПадляшша Падляшша — краіна паэзіі і святла. Тут шырокі кругагляд, магутная высь і прываблівая даль. На радзімай зямлі з цуда-крыніц бярэм сілу крылаў сваіх. Падляшша — калыска спеўнай цішыні. Паветра чыстае, празрыстае, над гаем маланка. У кавалькадзе нястрымных дзён міла вітаем усе ранкі. Падляшша — наш чароўны сад... Таму на шляху жыцця, калі квітнее айчынны свет, не адзін імкнецца пакінуць найлепшы свой след. Наша паэзія Яна шчырая, яна родная, кроўная, краялюбная. З зялёнымі вачамі дубровы, уся ў блакіту харастве. Заўсёды з народам, кліча маўчаннем, кліча трывогай. Яна ад Бога. Вольная, у сэрцах разбурае муры, перасякае межы — паэзія творцаў „Белавежы”. * * * Між Дубровай i Драгічынам, на берагах Буга і Нарвы, ля цяністых дарoг, пры палыновых межах, у гушчарах зялёных кнеяў, у пасляледніковых марэнах, у адбітках акамянелых раслін, у аскепках бyрштыну, у попеле Троі, у пясках Сахары, у снягах Сібіры, на горных вяршынях, ды ў марскіх глыбінях — шукаю зярнят будучыні. Днямі і начамі, на грані жыцця і (...) |