Ніва № 07 (3536), 18 лютага 2024 г.
Вершаўчытальня Андрэя СЦЕПАНЮКА (74). Час на пачуцці. Частка другая.Андрэй СЦЕПАНЮКПасля ночы прыходзіць дзень, пасля буры сонца, а пасля маўчання словы. Надалей словы звязаныя з чалавечымі пачуццямі. У міжчасе, захацелася крыху пачытаць на тэму тых жа разумных сцвярджэнняў іншых асоб, і папраўдзе здурнеў у тую хвіліну яшчэ больш. Крыху не разумею чаму. Разважанні гэтыя зводзяцца да чалавечых эмоцый ці часовых хваляванняў, а дык наш тэзіс адзін: пачуцці, асабліва тыя галоўныя, гэта штосьці, што кранае чалавека на ўсё жыццё. Ці кахаем, або ненавідзім толькі раз у жыцці? Зразумела, найчасцей не. Але, калі зрабілі мы гэта хаця адзін раз, застанецца гэта ў нашай свядомасці назаўсёды. Толькі памятаць трэба, што вельмі часта ідзе за тым туга, невыносны жаль прамінання, калючасць адзіноты. Скажы мне: ты помніш Той вечар у Вільні?.. Быў вецер, І пыльнай, Няўтульнаю Вільня была На вуліцы побач з вакзалам, дзе дымная поўня плыла... „Пажар недзе?..” „Поўнач. Пара мне...” „Праводзіць?..” Мы выйшлі — перон быў пусты. „Не едзе ніхто і нікуды”. „Забудзеш мяне?..” „Не забуду...” — прамовіла ты У дым той, У пыл той, У Вільню, Дзе ўночы гарэлі масты. Уладзімір Някляеў, „Скажы мне, ты помніш...” * * * А да якіх пачуццяў залічыць можна самоту? Ці гэта зусім нейкае пачуццё? Ці толькі (...) |