Ніва № 06 (3535), 11 лютага 2024 г.
Вершаўчытальня Андрэя Сцепанюка (73) Час на пачуцці. Частка першая. (Ці будуць наступныя не ведае нават аўтар)Андрэй СЦЕПАНЮКА можа б так, хаця на адну хвіліну, забыць аб нецікавых палітычна-грамадскіх здарэннях, якія апанавалі наш свет, і ўвайсці ў краіну, дзе самымі важнымі бываюць чалавечыя пачуцці? І то тыя светлыя і чыстыя, памятаючы, што нянавісць гэта таксама пачуццё. Як бы не глядзець, нават у самыя страшныя перыяды гісторыі чалавецтва не загасала мара аб свеце, у якім запануюць дабро і каханне. І вельмі часта тая мара пераходзіла ў надзею і давала натхненне на пабудову чагосьці творчага і перспектыўнага. А калі яшчэ, ужо неўзабаве, большасць людзей адзначаць будзе Дзень закаханых, або як хто хоча Дзень святога Валянціна, дык і з кахання пара пачаць. Літаратура, а асабліва паэзія, дала многа прыкладаў творчай вынаходлівасці аўтараў у гэтай галіне. Памятаючы, што паэт найлепш адчувае сябе калі цярпіць, пачнем усё ж такі з чагосьці аптымістычнага. Верш свой напоўнены шчасцем, Бы шампанскае ў чарцы глыбокай, Хачу я да вуснаў прыкласці Дзяўчыне маёй сінявокай. Хай п’е мае думкі і мары, Як вып’е — паўстануць другія. напэўна ў адплату падарыць Мне вусны свае дарагія. Гадзіннікі крышаць гадзіны, Канаюць секунды, імгненні. Я з песняй і любай дзяўчынай І ноч за акном на каленях. Прыйшоў я са звонкаю одай, Як з чаркай, (...) |