Дзень мясцовага самакіравання

Мацей ХАЛАДОЎСКІ

У гадавіну першых мясцовых выбараў у рады гмін 27 мая адзначаўся ў Польшчы Дзень мясцовага самакіравання. Выбары на гмінным узроўні сталі магчымымі дзякуючы прыняццю парламентам 8 сакавіка 1990 г. Закона аб мясцовым самакіраванні. Раней пастулаты ў гэтай справе былі сфармуляваны на І З’ездзе «Салідарнасці» і на першых вольных (хоць і не цалкам) парламенцкіх выбарах 1989 г. Такім чынам адкрыўся шлях да таго, каб грамадзяне самі вырашалі аб справах, якія іх хвалююць, і так пачало адраджацца самакіраванне ў Польшчы. У Беластоку гадавіна на ваяводскім узроўні была ўшанавана, між іншым, выставай перад Дзяржаўным архівам. Кінулася мне ў вочы фотакопія выказвання Віктара Стахвюка, які на першых мясцовых выбарах прадстаўляў неіснучае ўжо Беларускае дэмакратычнае аб’яднанне, заснаванае ў Беластоку 10 лютага 1990 г. Тэкст выказвання быў затым апублікаваны ў выданні «Tygodnik Białostocki» — часопісе членаў і прыхільнікаў «Салідарнасці». Ён дзяліўся сваімі выбарчымі ўражаннямі побач з Аляксандрам Усакевічам — тады прадстаўніком Грамадзянскага выбарчага камітэта «Салідарнасць», і Бернардам Буйвіцкім, які дзейнічаў у структурах Хрысціянска-дэмакратычнай партыі працы. Віктар Стахвюк прыйшоў да такой высновы: «Найбольш важным поспехам гэтых выбараў з’яўляецца тое, што на працягу вельмі доўгага часу, першы раз ад сямідзесяці гадоў, беларусы пайшлі на выбары як беларусы, усведамляючы сваю нацыянальную ідэнтычнасць». Раней (...)