З бурсы ў інтэрнат

Размова з Пятром БОЖКАМ — віцэ-старостам павета Бельск-Падляшскі

„Ніва”: — Чаму Управа Бельскага павета накіравала ў мінулым тыдні на разгляд павятовай рады заяву аб ліквідацыі вучнёўскай бурсы па вуліцы Відаўскай у Бельску?

Пётр Божка: — Таму, што была такая працэдура. Каб ліквідаваць якую-небудзь асветную адзінку, орган, які вядзе гэтую адзінку, павінен прыняць рашэнне на шэсць месяцаў да канца школьнага года (да канца жніўня). Таму рашэнне мусіла быць аформлена да канца лютага.

— Але гэта не быў адказ на маё пытанне.Чаму трэба ліквідаваць бельскую бурсу, у якой дзятва з акалічных мясцовасцей жыла ад сарака гадоў?

— Вы паставілі іншае пытанне. Тым не менш. Сітуацыя ў асвеце з’яўляецца дынамічнай. Дарэчы, у жыцці нічога не існуе вечна. Калісь, скажам, у васьмідзесятыя гады, у бурсе жыло амаль паўтысячы дзяцей. Цяпер, значыць у сёлетнюю зіму, жыве тут дакладна 81 малады чалавек. Летам, вядома, іх лік меншаў. Тады было сорак пару дзяцей. А аб’ект проста гіганцкі. Гэта шматпавярховая будыніна з канферэнц-залай, сталовай, кухняй і да г.п. Яна выкарыстоўваецца ў малой ступені. Мы спрабавалі гэта змяніць. Некалькі гадоў стараліся зрабіць будынак бурсы прыцягальным для наймальнікаў. Прыбудавалі нават асобны ўваход, каб г.зв. камунікацыя з вучнямі не крыжавалася. Зрабілі пад’езд для інвалідаў, адрамантавалі ванныя пакоі і г.д. Аднак запатрабаванне на гэтыя памяшканні было, далікатна (...)