Ніва № 10 (2756), 8 сакавіка 2009 г.
Размова ля абменнікаВіктар САЗОНАЎ— Я гэтую купюру ў вас не вазьму, — рэзка адрэзала маладая работніца абменнага пункта і аддала здзіўленаму, сталага ўзросту мужчыну яго пяцідзесяціеўравую купюру. Мужчына спачатку адышоў ад абменнага пункта, пасля спыніўся, падумаў крыху і вярнуўся. — Прабачце, калі ласка, — звярнуўся ён да абменніцы. — А вы ўвогуле абменьваеце грошы? Чаму не бярэце ў мяне? — А ў вас грошы кепскія. — Фальшывыя?! Падробленыя?! — напалохаўся мужчына. — Не. Грошы не фальшывыя. Яны цалкам нармальныя. Проста відаць вы іх недзе намачылі. Або памылі ў пральнай машыне. А мы такіх купюр не бярэм. — Як жа так, — яшчэ больш здзівіўся мужчына. — Вы самі сцвярджаеце, што грошы добрыя. Але іх чамусьці не бярэце. Такім чынам вы сцвярджаеце, што вы, у вашым абменным пункце не бярэце нармальных грошай. Як гэта зразумець? — У нас ёсць указанні кіраўніцтва банка такіх купюр не браць. — Дык што мне рабіць тады з гэтымі нармальнымі нефальшывымі грашыма, якія ў мяне не хоча ўзяць банк? Можа пайсці ў які-небудзь прыватны абменнік? — Прыватных абменнікаў у нас няма, — усміхнулася дзяўчына. — Гэта вам не Польшча і не Літва. І тым больш не Еўропа з Амерыкай. У нас Беларусь. Таму ідзіце ў цэнтральны будынак банка і здайце вашу купюру на камісію. Там аформіце ўсе паперы, аддасце грошы, і наведвайцеся часцей у банк. Праз нейкі час ваша (...) |